Zemer Shqiptare

Rezultatet e provimeve me zgjedhje 2010

Kli$$i — Fri, 16 Jul 2010 17:01:10 +0000

Ministria e Arsimit bëri publike sot rezultatet e 33.187 studentëve që u testuan në provimet me zgjedhje të Maturës Shtetërore 2010, më 16 korrik të këtij viti.
Sipas burimeve zyrtare nga MASH, pas njohjes me këto rezultate, maturantët do të nisin procedurat e aplikimit për të drejta studimi në universitet.
Maturantët duhet të përzgjedhin duke nisur nga 22 korriku, dhjetë preferenca në formularin A 2, ku janë të listuara më shumë se 225 programet që do të ofrojnë universitetet publike për vitin e ri akademik.
“Renditja e preferencave duhet të bëhet me rend zbritës, duke filluar nga dega më e preferuar e deri tek ajo më pak e pëlqyera”, thanë burime nga MASH.
Sipas tyre, përcaktimi i kandidatëve fitues bëhet pas llogaritjes së pikëve përkatëse për të dhjetë preferencat e listuara në formularin A2. Shpërndarja e formularit të preferencave do të kalojë nga APRIAL-i, drejt drejtorive arsimore, të cilat do t’i kalojnë më pas në shkollat përkatëse.
Sipas rregullores së hartuar nga ekspertët e Ministrisë së Arsimit, maturantët do të kenë një afat kohor prej dy javësh për plotësimin dhe dorëzimin e këtyre formularëve.
Procedura duhet të realizohet edhe nga kandidatët që do të aplikojnë për ndjekjen e akademive, sportive apo artistike, për të cilat konkursi i pranimit do të zhvillohet në fillim të shtatorit.
Specialistët thanë se gjatë renditjes së degëve për fakultetet, kandidatët që do të respektojnë profilin e shkollës së mesme në përcaktimin e degëve mund të grumbullojnë më shumë pikë, sesa po të listojnë degë të profilit të kundërt.
Sipas rregullores së provimit, përcaktohet se mundësia për të mbledhur më shumë pikë krijohet jo vetëm nga zgjedhja e programeve të afërta të studimit, por dhe nga lloji i koeficientit.
Nëse maturantët do të zgjedhin programet e përafërta për të vijuar studimet e larta, atëherë edhe koeficientët që do të hyjnë në përllogaritje do të jenë më të lartë, e cila rrjedhimisht mbledh më shumë pikë në dispozicion të kandidatit.
Nxënësi që ka mbaruar profilin shoqëror dhe zgjedh degë të po këtij profili, do të ketë koeficient më të lartë në përllogaritje, sesa po të zgjidhte si programe studimi ato të profilit natyror.
Renditja e fituesve edhe për vitin e ardhshëm akademik do të bëhet sipas formulës tradicionale të Maturës Shtetërore (D1 + D2 + M) x Ksh + Z1 x K1 + Z2 x K2), ku Ksh është koeficienti i shkollës, K1 është koeficienti për provimin e parë me zgjedhje dhe K2 koeficienti për provimin e dytë me zgjedhje dhe secili nxënës mund të llogarisë afërsisht sa pikë mund të fitojë duke njohur vlerësimet e veta (parashikimet), pra duke vetëvlerësuar veten.
Renditja dhe shpallja e fituesve për programet e studimit që kanë si kusht edhe konkursin e veçantë, si Arkitektura, Edukimi Fizik, degët e Akademisë së Arteve, renditja e fituesve do të bëhet me një tjetër formulë.
Për këto raste merren parasysh në vlerësim edhe pikët e konkursit

Provimet_zgjidhje_Notat_Z1Z2_2010

Për më shumë klikono këtu për te parë listën e notave

Ciljeta 100 mijë euro për reklamën e birrës

Kli$$i — Sun, 20 Jun 2010 18:17:40 +0000

Hot Ciljeta Xhilaga

Sot është 25 vjeç… Ka plot 10 vite që aderon në skenën shqiptare dhe mund të cilësohet pa frikë një princeshë e saj. Me shkëlqimin që kurrë nuk i ka munguar, ajo vjen edhe në këtë “Bluetooth”, për të treguar edhe një herë hiret e saj dhe këtë radhë Cili vjen si imazh i “Birra Tirana”. Sikundër edhe shumë femra të bukura në botë, Çiljeta zgjodhi të jetë imazh i një kompanie pijesh. Çiljeta na tregoi se nënshkrimi i kësaj kontrate, veç emocioneve të shumta, do t’i sillte edhe shumë të mira financiare. U interesuam dhe zbuluam se ajo pranoi t’i rikthehet pasionit të vjetër, reklamave, kundrejt një pagese super të majme. Kontrata 2-vjeçare e nënshkruar me “Birra Tirana”, do t’i shtojë llogarisë bankare të Çiljetës një shifër prej 100.000 (mijë) eurosh, veç pagesës mujore, e cila do të jetë gjithashtu një shifër e konsiderueshme. Dhe në fakt të kalosh autostradave shqiptare tani sheh billbordet e Cilit me një pamje tejet sensuale nën sloganin “Provo të më pish të tërën…”.

Ciljeta spot publicitar per Birra Tirana

Arrestohet këngëtarja Liljana Kondakçi

nonealbania — Sat, 03 Apr 2010 18:37:20 +0000

Këngëtarja e njohur Liljana Kondakçi është arrestuar në qytetin e Selanikut,për llogari të drejtësisë italiane.
Sipas policise se kryeqendrës greke të veriut,Kondakçi ishte shpallur në kërkim prej disa vitesh dhe ështe një ndër anëtaret e një bande të trafikut të lendeve narkotike ne Itali. Ajo është dënuar në mungese prej drejtësise italiane me burg,ndërsa emri i saj ka dalë sërish në listën e personave të shumë kërkuar prej drejtësise,për një tjetër trafik lëndësh narkotike.
Ajo jetonte e fshehur në qytetin e Selanikut,në një banese të marrë me qira prej të afërmve të saj në këtë qytet. Arrestimi i 58- vjecares u bë i mundur prej agjentëve të anti-droges greke,mbas evidentimit të banesës së saj prej policisë italiane.
58-vjecarja do t’i dergohet gjykatës së Selanikut,e cila do të vendose për ekstradimin e saj drejt Italisë. (marre nga Top Channel)

Kondakci, historiku i botës së errët të këngëtares

nonealbania — Sat, 03 Apr 2010 18:36:27 +0000

Në fund të tetorit të 2008-ës, forcat italiane të rendit kryen një operacion me emrin e koduar “Shkodra” që çoi në sekuestrimin pasurive me vlere prej 2 milionë euro dhe një sasie prej 500 kg drogë të llojeve të ndryshme. Ndër personat e akuzuar, italianë, shqiptarë dhe grekë, ishte dhe Liljana Kondakçi që mediat e cilësonin si “Mina” e Shqipërisë, duke e krahasuar me këngëtaren e madhe italiane. Në perfundim të procesit, këngetarja u shpall “person në kërkim ndërkombëtar” me akuzën e trafikut të lëndeve narkotike.Gjatë hetimeve dhe përgjimeve, doli që Liljana Kondakçi, të cilën anëtarët e tjerë të bandës e thërrisnin “mamaja”, ishte një ndër drejtueset e trafikut të organizuar më së miri. Thuhet se fama e ndihmonte të kalonte me lehtësisht kontrollet. Në fakt, në maj të vitit 2006 ajo ishte kapur në stacionin e trenit të Sibarit, në zonën e Kozencës me 3 kg e 300 gram drogë ne çantë.
Megjithëse u shfajësua se pakoja ishte dhuratë e bërë nga një dashamirës i saj, prokuroria e Castrovillarit e dënoi me 2 vjet e 8 muaj burgim. Jo rrallë këngëtarja ka deklaruar se problemet që ka patur me drejtesinë italiane janë zgjidhur dhe se arrestimi ka qenë thjesht një keqëkuptim. Në librin me titull “Banditë dhe skllavë” të botuar muajt e fundit, përveç rasteve të grave e vajzave shqiptare të shfrytëzuara, autorët (njëri prej të cilëve është prokuror), përmendin dhe Liliana Kondakçiun, si rast i rrallë i një gruaje të kërkuar në nivel ndërkombëtar për trafik droge. (marrë nga Top Channel)

Ramiz Alia u thotë “më fal” viktimave të komunizmit

nonealbania — Sat, 03 Apr 2010 18:33:14 +0000

Ish-udhëheqësi i Partisë së Punës, dhe më vonë presidenti i parë në Shqipërinë pas-komuniste, Ramiz Alia, për herë të parë ka kërkuar falje për krimet e komunizmit. Alia, i cili qëndroi në pushtet deri në vitin 1992, në një intervistë për BBC shpreh keqardhje për kohën kur ai ishte në krye të shtetit komunist. “Më vjen keq dhe e konsideroj gabim që ka pasur njerëz që janë bërë viktima të pakujdesisë sonë, veprimeve tona të ashpra, apo … gabimeve, apo institucioneve tona, si policia sekrete,” thotë ai.
Duke komentuar zbulimin e varrit masiv në Malin e Dajtit, Alia shton se “ka pasur raste të tilla. Më vjen keq për këtë, me vjen absolutisht keq dhe mendoj se për ta duhet të ketë drejtësi,” shton Alia.
Megjithatë, ai beson se ajo që ndodhi në të shkuarën është më mirë të lihet në të shkuarën. “Mendoj se është më e rëndësishme për Shqipërinë që të mos merret me të shkuarën, por me të tashmen. Shqipëria përballet me një krizë të ashpër ekonomike dhe politike. Është e varfër dhe ka një krizë politike,” shton ai. Alia thekson se kjo e sotmja “Nuk është një krizë për ideologji politike, por një krizë se kush do të largojë tjetrin nga pushteti”. (marre nga NOA)

Kurajo tek Vila 31: Blloku dhe bllokmenët nuk po na ndahen

nonealbania — Sat, 03 Apr 2010 18:31:23 +0000

Qendra Mediatike Kurajo ka përkujtuar sot katër të rinjtë shkodranë që u vranë nga diktatura komuniste në 2 Prill 1991 në Kryeqendrën e Veriut. Me këtë rast para ish-vilës së diktatorit Hoxha në Tiranë është zhvilluar një protestë e dhjetëra të rinjve me sloganin, “Bllok kundër bllokmenëve”.Protesta është ilustruar me fotot reale ku tregohen qartë faktet historike, të cilat janë domethënëse edhe për situatën që po jetojmë pas 19 vjetësh.
Të rinjtë e Qendrës Kurajo gjatë fjalës së tyre theksuan se, janë pikërisht po ata njerëz që kryen tragjedinë e djegies dhe vrasjes së të rinjve të paarmatosur në Shkodër në prillin e vitit 1991, të cilët çuditërisht edhe sot flasin në emër të demokracisë.
Drejtuesi i qendrës, Hamza Hatika, u shpreh se historia akuzon dhe vërteton se fajtorët akoma të pandëshkuar të paktën moralisht për tragjedinë e rëndë mbi Shkodrën martire, duhet të jenë koshientë për krimet e kryera nga ata vetë apo nga paraardhësit biologjikë.
Shqipëria, një vit anëtare e NATO-s, me standarde të plotësuara edhe për liberalizimin e vizave, tashmë po pret statusin e vendit kandidat për në BE.
“Me një opozitë që kërkon të ndëshkojë vendin duke përdorur krizën e saj artificiale sikurse edhe gripi derrit, vetëm sa po vërteton dhe po i qëndron besnike kauzës së themeluesve dhe të parëve të tyre se, një Shqipëri demokratike dhe e fortë ekonomikisht nuk i intereson klanit sllav”, – tha Hatika.
Sipas tij, distancimi nga e kaluara apo reformimi i së majtës duket se do të mbetet një utopi për shqiptarët, të cilët janë ftuar në muajin e protestave pikërisht nga ata, të cilët e shkatërruan kombin dhe e dorëzuan në vitin 1991, në situatën më të rëndë se asnjë vend tjetër socialist në Evropë.
“I bëjmë thirrje shqiptarëve, përpara se të dalin në protesta të vërtetojnë të kundërtën e këtyre fotove dhe fakteve drithëruese të së kaluarës së brezit trashëgimtar të partisë së Popoviçit e të Mugoshës”, – theksoi Hatika.
Duke përfunduar ai vlerësoi se atdheu kërkon reforma demokratike të vonuara pikërisht nga këta pinjollë, të cilët nuk janë veç sindroma të së kaluarës, që nuk duan që ne më së fundi të gëzojmë të gjithë bashkë.
“Një Shqipëri e fortë pa pinjollët e së shkuarës është faktor edhe në rajon dhe në Evropën e mohuar prej sistemit komunist”, – tha Hatika. (marre nga NOA)

Shqipëria, një vit në NATO

nonealbania — Fri, 02 Apr 2010 17:19:02 +0000

Momentet historike të samitit të Strasburgut, ku një vit më parë Shqipëria u pranua si anëtare me të drejta të plota të aleancës së Atlantikut të Veriut, jane unike dhe të papërsëritshme. Te ulur si të barabartë me udhëheqësit më të fuqishëm te botes premtimi kryesor i presidentit dhe kryeministrit te Shqipërisë ishte vazhdimi i reformave për të arritur tanimë jo vetem standardet e NATO-s, por per te qene nje vend i përshtatshëm per anëtarësimin në Bashkimin Europian.Rreth ketij premtimi u perqendrua edhe analiza qe kryeministri Sali Berisha i beri nje viti anëtarësimi të vendit në NATO, duke vecuar si momente kulmore zhvillimin e zgjedhjeve te 28 qershorit, pergjigjen e pyetesorit per marrjen e statusit kandidat dhe reformat per liberalizimin e vizave.
“Zhvilluam zgjedhjet me te mira qe jane bere ndonjehere ne vend. Me te njejtin perkushtim qe punuam per NATO-n do te punojme edhe per liberalizimin e vizave”, u shpreh Berisha.
Ne nje vjetorin e anetaresimit te vendit ne NATO nuk kane munguar edhe telefonatat e kryeministrit Berisha me komandantet e trupave shqiptare ne Afganistan dhe Bosnje Hercegovine, si dhe nje video- pershendetje nga aleatet, e percjelle nga komandanti i komandes amerikane ne Europe.
“Dua t’ju pergezoj dhe t’ju them sesa te lumtur jemi te gjithe ne qe Shqiperia eshte pjese e kesaj aleance. Per here te pare kam qene ne Tirane, ne Shqiperi, para 5 vjetesh dhe progresi i shenuar qe atehere ne fushen politike, ekonomike dhe ushtarake, perfaqesuar permes anetaresimit tuaj ne NATO eshte shume i madh. Jemi krenare qe e kemi Shqiperine ne aleance. Urime per njevjetorin e anetarësimit ne NATO”, u shpreh admiral James G. Stavridis, komandant suprem i Aleances.
Ndersa kryetarja e kuvendit, Jozefina Topalli ka zgjedhur ta festoje me te rinjte e Tiranes diten e pervjetorit te pare te anetaresimit te Shqiperise ne NATO, duke u shprehur e sigurte se, nese 2009-a ishte viti i anetaresimit te vendit ne NATO, 2010-a do te jete per keta te rinj dhe per te gjithe shqiptaret viti, qe do te shnderroje ne realitet premtimin per liberalizimin e vizave.
“Jam optimiste se ky vendim do te merret brenda pak javeve dhe komunikimi juaj virtual nepermjet internetit, Facebook me miqtë tuaj ne mbare boten, do te behet kete vit nje komunikim real me liberalizimin e vizave”, theksoi Topalli. (marre nga Top Channel)

Liberalizimi, jo azil dhe punë

nonealbania — Fri, 02 Apr 2010 17:17:59 +0000

Ministria e Jashtme ka nisur informimin zyrtar të qytetarëve për t’u bërë të qartë atyre se liberalizimi i vizave nuk mundëson punësim apo qëndrim të gjatë në vendet e BE-së.
Liberalizimi i vizave me Maqedoninë dhe Serbinë solli në Bruksel një fluks të madh kërkesash për azil nga këto dy vende, duke krijuar një situatë shqetësuese për shumë vende të BE. E nisur edhe nga këto ngjarje, në pritje të një vendimi për liberalizimin, Komisioni Europian ka kërkuar mes të tjerave nga Shqipëria të informojë shtetasit e saj.
“Qytetarët duhet ta kenë të qartë së liberalizimi i vizave ka të bëjë me një qëndrim në vendin që viziton jo më shumë se tre muaj, nuk do të thotë mundësi studimi afatgjatë dhe as bashkim familjar”, u shpreh Gazmend Turdiu, sekretar i Përgjithshëm i Ministrisë së Punëve të Jashtme.
Nese qytetari shkel detyrimet qe ka ne kete proces liberalizimi atehere ne baze te marreveshjes se ripranimit ai kthehet ne vendin e tij dhe rrezikon te mos shkele me ne ate vend per nje periudhe 5-vjecare, shoqeruar dhe me gjobat perkatese. Nese qytetarit i nevojitet te qendroje me shume se tre muaj ne nje vend te BE atehere serish duhet te drejtohet ne ambasade ku pajiset me vize te tipit D.
Ministria e Jashme do te informoje qytetaret nepermjet posterave dhe fletepalosjeve mbi te drejtat dhe detyrimet qe ata kane ne procesin e liberalizmit te vizave. (marre nga Top Channel)

Uidhers: Nuk po mbroj Big Brother, jam ambasador i SHBA

nonealbania — Fri, 02 Apr 2010 17:17:05 +0000

“Ligji shqiptar mbron të drejtat e njeriut dhe kjo përfshin të drejtën për të jetuar në paqe dhe liri, pavarësisht nga orientimi seksual”. Këtë deklaratë bëri sot Xhon L. Uidhers, Ambasador i SHBA në Shqipëri gjatë një tryeze të rrumbullakët që pati me banorë në qytetin e Lezhës, i ndjekur dhe nga ambasadori i Gjermanisë në Tiranë.Gjithsesi, Uidhers theksoi se nuk dëshironte “që media të ofrojë një përshtypje të rreme” ndaj tha: “Në Shqipëri, jam përfaqësues i Shteteve të Bashkuara të Amerikës. Përfaqësoj interesat dhe vlerat e popullit amerikan. Ju siguroj që nuk jam përfaqësues i programit Big Brother”.
Duke iu referuar rastit të Klodian Çelës i cili pak javë më parë, deklaroi publikisht në televizion, në programin e njohur Big Brother, që është homoseksual dhe se pak kohë më pas, kjo grua e jashtëzakonshme që është ulur pranë meje doli publikisht për të mbështetur djalin e saj me një prej fjalimeve më prekëse që kam dëgjuar ndonjëherë, Uidhers tha se “familja e saj është nga Lezha”.
Madje Uidhers mbajti qëndrim për largimin e familjes nga kërcënimet. Por deklarata e z.Uidhers erdhi në momentet që Policia e Lezhës konfirmoi se arratia e familjes së homoseksualit, ishte një mashtrim.
“Në këtë qytet pati disa njerëz që pas këtyre ngjarjeve reaguan në mënyrë homofobike. Unë e respektoj, nuk e sfidoj, të drejtën e atyre personave për të shprehur mendimet e tyre lirisht. Gjithmonë do ta respektoj fjalën e lirë. Por kur këta persona kalojnë nga shprehja e mendimeve në veprime armiqësore dhe në kërcënime për veprime kundër familjes Çela, kësaj familjeje të mirë, duke i detyruar ata me gjithë këtë trysni, që të braktisin shtëpinë e tyre – nuk kemi më të bëjmë me shprehje të mendimeve, por me diskriminim”, – deklaroi z.Uidhers, fjalën e plotëç të të cilit e gjeni këtu.
Duke evidentuar faktin se ligji shqiptar mbron të drejtat e njeriut dhe kjo përfshin të drejtën për të jetuar në paqe dhe liri, pavarësisht nga orientimi seksual, z. Uidhers tha se Klodi e ka këtë të drejtë, Znj. Çela e ka këtë të drejtë, për të jetuar këtu pa frikë, në shtëpinë e tyre dhe të ecin lirisht në këtë qytet ashtu si çdo qytetar tjetër shqiptar.
“Ajo ka jo vetëm të drejtën dhe mbrojtjen ligjore për ta bërë këtë, por ka edhe të drejtën morale bazuar mbi vullnetin e mirë të të gjithë atyre njerëzve që besojnë tek liria e drejtësia, qofshin shqiptarë apo të huaj”, – shtoi ambasadori amerikan. (marre nga NOA)

Ambasadori i SHBA në Tiranë flet për parullat antishqiptare të ushtrisë greke

nonealbania — Fri, 02 Apr 2010 17:15:42 +0000

Ambasadori i Shteteve të Bashkuara të Amerikës në Shqipëri, Xhon Uidhers shprehu sot publikisht një qëndrim dënues ndaj parrullave antishqiptare që përdorën disa ushtarakë grekë në paradën e festës kombëtare të 25 marsit 2010 në Athinë. “Ne si miq të Shqipërisë i dënojmë veprimet diksrimiminuese të ekstremistëve që bënë kërcënime kundër popullit shqiptar dhe i japim të drejtë reagimeve protestuese të shqiptarëve, – ka deklaruar z.Uidhers.Këtë deklaratë bëri sot Xhon L. Uidhers, Ambasador i SHBA në Shqipëri gjatë një tryeze të rrumbullakët që pati me banorë në qytetin e Lezhës, i ndjekur dhe nga ambasadori i Gjermanisë në Tiranë.
Ambasadori theksoi faktin se “pak ditë më parë në Athinë, një grup ekstremistësh të rinj kishin hedhur parulla e kishin bërë kërcënime kundër popullit shqiptar.
Ai shprehu kënaqësinë se “për fat të mirë, shumica e popullit grek nuk i pranoi ato pikëpamje dhe në fakt qëndrojnë kundër atyre pikëpamjeve; thjesht nuk ndjehen ashtu”.
Duke nënvizuar faktin se “dhe qeveria e Greqisë i dënoi ato veprime”, – Uidhers tha se ato “ishin veprime diskriminuese dhe njerëzit këtu në Shqipëri kishin të drejtë të protestonin” dhe më tej shtoi se “eEdhe ne, si miq të Shqipërisë, i dënojmë ato”.
Në këtë pikë, Uidhers vlerësoi se “asnjë formë diskriminimi, kundër cilitdo, kundër cilitdo individ nuk është e pranueshme në botën tonë modern demokratike”. (marre nga NOA)